Pieter Gouws, b3c4d1 - Was Sara Elizabeth Vosloo die tweede vrouw van Pieter Gouws?

Hallo Louis

Oor MJ Beck - daar was 2 gewees wat met twee verskillende Pieter Gous'e getroud was.

http://www.myheritage.com/research/collection-1/myheritage-family-t...

http://www.myheritage.com/research/collection-1/myheritage-family-t...

Dit lyk nietemin of die verkeerde een aan hierdie Pieter Gous gekoppel is!

Die Vosloo koppeling lyk reg.

Groete
Jan

Sorry - lyk of regte een gekoppel is.

Hallo Jan

Dankie vir jou terugvoer. Ek het nie toegang op MyHeritage om na die gegewens van die twee profiele wat jy in jou eerste boodskap gegee het te kyk nie. Kan jy dit miskien vir my stuur? Jou laaste boodskap was ook verwarrend. Is jy van mening dat die regte Johanna Maria Beck aan die profiel gekoppeld is? Indien wel, lyk dit vir my tog na 'n probleem dat beide vroue na 1820 as weduwees van dieselfde man aangegee word!

Sommige van die kinders van die Gouws/Beck egpaar verskyn ook saam met beide ouers in die 1812 en 1817 Census van Tulbagh, terwyl Pieter Gouws (b3c4d1) oënskynlik in 1801 reeds weer met Sara Elisabeth Vosloo getroud sou wees...

Een van die twee huwelike vir b3c4d1 lyk vir my daarom onmoontlik.

In SAG verskyn die volgende gegevens vir die vader van Pieter Gouws (b3c4d1):

"Pieter * 11.4.1727 ≈ Paarl 6.7.1727, burger Swellendam en boer v „Voorbaat“ aan
Swartberg † c. 1819 x Roodezan, Tulbagh 5.11.1752 Magdalena BRITS * 11.4.1737 ≈ 4.11.1736 † c. 1799 d.v. Ockert Brits en Catharina Pyl xx Kaapstad 17.5.1801 Sara Elizabeth VOSLOO ≈ Kaapstad 30.8.1776 † Sterkontein 23.5.1853 (Sy was 24.0.- ten tye van haar huwelik en haar eggenoot 74.0.-) d.v. Gerrit Vosloo en Johanna Magdalena Pretorius"

As jy egter die geboorte datum van die laaste kind uit die Gouws/Vosloo egpaar in ag neem (Wessel Jacobus Gouws *1811) so die Pieter (b3c4) dan reeds 84 gewees het. Hy moes 'n egte bok gewees het vir sy jare om dit to kon vermag :)

Groete, Louis

Louis en Jan. Hierdie is wat ek het en dit is verseker volgens 'n paar bronne. Eerstens is dit SV2b1 en nie b3

SV2b1 Pieter Gou(w)s» 11.11.1753, burger Swellendam, x 26.5.1776 Maria Johanna Beck; xx 17.5.1801 Sara Elisabeth Vosloo
Beck
SV3b1 Maria Johanna Beck » 22.7.1759, x Pieter Gous
dan hier is iets----- b1c6d8 Sara Elisabeth Vosloo » 30.8.1778, x Pieter Gous.

M.a.w. iewers shet iemand weereens die verkeerde merge gemaak. Ek self is al so jigvol om hierdie lyn reg te maak.

Ek werk vandag sommer bietjie aan die Resolusie aan die Kaapse Hoop CD van Dr. Helena Liebenberg.
Juds

Hallo Judy

As in ag geneem word dat Andre Gauch die eerste stamvader is en Pieter sy 3de kind (eerste kind my Jannetje de Clercq), hoe kan Pieter dan SV2b1 wees?

Groete, Louis

Hallo Judy

Ek het Pieter los gekoppel van Sara Elisabeth Vosloo en die volgende nota op sy profiel geplaas:

NB!. Die persoon kan nie die man van Sara Elisabeth Vosloo wees nie aangesien hy steeds met sy vrou Maria Johanna Beck in die Tulbagh Census van 1812 en 1817 opgegee is (sien aanvullende bronne).

Hy was in 1817 steeds met Maria Johanna Beck getroud en kon dus nie in 1802 met Sara Elisabeth Vosloo getrou het nie.

Kan jy ook die verwysing na die huwelik met Sara uit die kurator nota op sy profiel haal en 'n nota toevoeg dat hy nie haar eggenote was nie?

Groete, Louis

Hallo

Ek het nooit by hierdie uitgekom nie, jammer Louis - daar was te veel hooi op my stok.

As my boodskap nie duidelik was nie, wel ek het dit uit die nooiensoogpunt benader, slegs uit 'n Beck oogpunt. Ons praat dus verby mekaar hier, aangesien jou argument is dat Pieter nooit met 'n Vosloo getroud is, terwyl ek weer se die verkeerde Beck is (dalk was) met die Pieter verbind. :)

Ekself ook nie meer toegang tot MH nie!! :) Maar ek dink dat jy nogtans moet loer oor die koppeling van hierdie persone met presies dieselfde name - sou dit nie om dowe neute noem nie.

Groete
Jan

MAW (en ek vererger dalk): die Pieter Gouws en Maria Johanna Beck van sensus 1812 en 1817... is dit die regte huwelik waarna jy verwys (daar was 2)?

Hallo Jan

Iewers praat ons tog by mekaar verby. In jou tweede boodskap op die 15de Junie het jy juis gesê dat die regte Beck hier gekoppel is aan Pieter.

Die redes waarom ek sê dat hierdie Pieter nie die man van Elizabeth Vosloo kan wees nie is die volgende:

1) In die Tulbagh Census van 1812 word Pieter Gous en sy vrou Maria Johanna Beck op dieselfde bladsy aangegee as twee van hulle seuns en die seuns se eggenote. Die seuns is Jacob Marthinus Gouws met sy vrou Maria Elizabeth Fourie en Pieter Frederik Gouws met sy vrou Geertruij Britz. Die twee seuns is ook aan sy profiel hier op Geni gekoppel.

2) In die Tulbagh Census van 1817 word Pieter Gous en sy vrou Maria Johanna Beck weereens op dieselfde bladsy aangegee as Pieter Frederik Gouws en sy vrou Geertruij Britz, maar nou ook met nog een van hulle seuns Willem Johannes Gous en sy vrou Maria Johanna Steenberg, Willem Johannes is ook aan Pieter se profiel hiet op Geni gekoppel.

3) Sara Elizabeth Vosloo is in 1801 te Kaapstad getroud met 'n Pieter Gous, wie duidelik nie dieselfde Pieter as Maria Johanna Beck se eggenote kon wees niet aangesien sy en Pieter in beide die 1812 en 1817 Census duidelik nog getroud is en Maria Johanna Beck in die Beaufort-Wes Census van 1814 aangegee word as die weduwee van Pieter Gous.

4) In die mees onlangse Gous/Gouws geslagregister wat ek van GISA aangekoop het word Sara Elizabeth Vosloo aangedui as die vrou van Pieter Gous * 11.4.1727 ≈ Paarl 6.7.1727, dus die vader van "ons" Pieter Gous. Die volledige aanhaling uit GISA se Gous register is as volg:

Pieter * 11.4.1727 ≈ Paarl 6.7.1727, burger Swellendam en boer v „Voorbaat“ aan
Swartberg † c. 1819 x Roodezan, Tulbagh 5.11.1752 Magdalena BRITS * 11.4.1737 ≈ 4.11.1736 † c. 1799 d.v. Ockert Brits en Catharina Pyl xx Kaapstad 17.5.1801 Sara Elizabeth VOSLOO ≈ Kaapstad 30.8.1776 † Sterkontein 23.5.1853 (Sy was 24 ten tye van haar huwelik en haar eggenoot 74) d.v. Gerrit Vosloo en Johanna Magdalena Pretorius

Nou volgens my klop die verwysing in GISA ook nie, want as Pieter se vader wel met Sara Elizabeth Vosloo getroud was, dan was hy 84 met die geboorte van sy laatste kind by haar, maar dit daar gelaat.

Kan jy jou inligting oor die tweede Maria Johanna Beck met ons deel?

Groete, Louis

Hallo
Pieter Gouws (1727) en Magdalena Brits het twee seuns met die naam Pieter gedoop;
1)Pieter Gouws gedoop 11/11/1753 x Maria Johanna Beck
en
2) Pieter Andries Gouws gedoop 07/05/1775

Met wie was die tweede Pieter getroud? Sara Elizabeth Vosloo?

Groete Ettienne

Beste Ettienne

Jou boodskap van 'n jaar gelede het my heeltemaal ontgaan, jammer vir die trae reaksie!

Jou vraag verdien nadere ondersoek. Dit is bes moontlik dat Pieter Andries die man van Sara Elizabeth Vosloo was. Hulle is 'n jaar uit mekaar gedoop en in beide gevalle in die doopregister word aangegee dat die ouers onder Tulbagh sorteer (Land van Waveren in haar geval en Rodesand in sy geval).

Die huweliksregister vir die periode 1801 vir Kaapstad is jammer genoeg nog niet op Familysearch beskikbaar nie, anders kon ons moontlik verdere opheldering daaruit gekry het. Dieselfde geld vir die doopregisters vir Swellendam gedurende die periode waarin die kinders uit die huwelik gedoop sou wees.

Haar sterfkennis kon ek op Familysearch opspoor, maar daar is geen verdere leidrade oor haar man se herkoms nie.

Groete, Louis

Voorspoedige Nuwe jaar almal, en laat ek gou die Maria Johanna Beck inligting gee. Bron GISA SAF v2 BECK - die eerste Maria Johanna is b3 van Andreas Johannes Beck SV en gedoop te 21.9.1783 vermoedelik in Kaapstad. Daar is egter geen verdere details daar nie.

Die tweede een is hierdie profiel se vrou, op dieselfde bladsy, p.411, b1 van Jacob Frederik Beck.

Louis - ek glo ek het 'n fout gemaak met dat b3 ook met 'n P Gouws getrou het - moontlik gebaseer op foutiewe MH inligting. Ek kan nie onthou presies waar ek dit gesien het nie, as dit op die bostaande skakels is - nogsteeds nie toegang nie! :)

Goeiemôre Jan

Ook 'n voorspoedige nuwejaar vir jou toegewens. Danie vir die aanvullende verwysing uit SAF, ek het self nie toegang daartoe nie.

Vanoggend het ek die sterfkennis van Johanna Maria Beck uitgesnuffel op Familysearch (https://familysearch.org/ark:/61903/3:1:3Q9M-CSQX-MQGB-G?mode=g&amp...). Hier word sy ook nog aangegee as die weduwee van Pieter Gous, so ek dink dit is duidelik dat die Pieter waar sy mee getroud was nie ook met Sara Elisabeth Vosloo getroud kon wees nie.

Groete,
Louis

Goeie werk Louis!!

Hi Private User

Ek sien jy het toe weereens die profiele van die twee Pieters saamgesemelt, ons bespreking ten spyt. Wil jy die twee profiele assertief weer kei van mekaar?

Groete,
Louis

Asseblief weer skei wou ek sê.

Louis asb - ek het dit nie saamgesmelt nie :(

Pieter Gouws

Pieter Gouws

2 verskillende profiele

Maar dit bring ons terug na waar ons was. Vosloo het Gous kinders gehad vanaf 1804 maar Pieter b3c3 is al in 1780 of 1790 oorlede. Dit kan nie maklik sy kinders wees nie.

Ek het deesdae weer toegang na daardie MH bronne.

So waarheen skuif 'n mens dan Vosloo, as dit nie een van die Pieters is nie. Dit voel of ons 'n 3de Pieter kort hier.

Die 3de profiel waarvan Ettienne voorheen gesels het, is: ttps://Pieter Gouws

Ek het Vosloo nou soontoe geskuif.

Daar was nie 'n foutiewe merge deur my nie.

Hi Jan

Die samesmelting het in Augustus gebeur en die hiersienings informasie lees as volg : "Pieter Gouws was merged into Pieter Gouws, b3c3 by Jan Marthinus Blomerus, b2....h1.
Aug 25 at 1:03 vm.", daarom dat ek jou naam geroep het :)

Sonder voldoende bewyse voel ek ook nie ons kan vir Vosloo and Pieter Andries Gouws koppel nie. Daarom dat ek in die begin van die bespreking 'n losstaande profiel vir haar man Pieter Gouws gemaakt het met 'n nota op die "About me" wat lees:

"NB ! Die eggenote van Sara Elisabeth Vosloo word in Geslagregisters foutiewelik aangegee as Pieter Gous * 10.7.1753 ≈ Kaapstad 11.11.1753 sv. Pieter Gous 11.4.1727 ≈ Paarl 6.7.1727 en Magdalena BRITS * 11.4.1737 ≈ 4.11.1736 † c. 1799. Die Pieter was egter in 1817 steeds getroud met Maria Johanna Beck en was saam met haar opgeteken in die Tulbagh Census van 1812 en 1817. In die Beaufort Wes Census van 1824 word Maria Johanna Beck aangegee as die weduwee van Pieter Gous. Moet dus asb. nie hierdie profiel met die profiel van Pieter Gous saamsmelt nie."

Ek stel voor dat ons dieselfde doen tot daar voldoende bewyse is wie haar man nou eintlik was.

Wil jy haar asseblief ontkoppel van Pieter Andries Gouws? Sedert ek geen "Pro" lidmaatskap meer het nie, kan ek dit nie meer doen nie.

Groete,
Louis

Louis, ons kan nie profiele in die lug laat hang nie...so nie werklik ten vinde van die voorstel, dat ons eerder die boom bou as wat ons onsself oopmaak vir samesmeltings wat duidelik foutief is.

Oor jou kommentaar oor Augustus 2016, ek dink daar was meer as een samesmelting, die een in Junie 2016 kan moontlik 'n sterker kandidaat wees, maar nou ja, as ek los profiele sien met dieselfde eggenoot dan is dit sterk aanduiding dat dit 'n duplikaat is. Die probleem is dat die eggenoot iemand is wat alreeds aan die boom is...

Hi Jan

Ek sien geen probleem met profiele "on die lig" te laat hang nie, die meeste van ons stamouders is ten slotte nie gekoppel aan voorouders nie. Dit is selfs nog erger as om vae aannames te maak. Hoe dit ook al sy, die profiel vir Vosloo se man was 'n losstaande profiel, duidelik meer akkuuraat as om haar aan Beck se man te koppel, en ek sou verkies dat ons dit weer so terug sit tot tyd en wyl on voldoende inligting het om haar man korrel aan die Gouws familie te koppel.

Groete,
Louis

Na my mening praat ons hier weer verby mekaar - 'voorouders' vs 'boomouers'. Daar is nie een enkele stamouer wat nie gekoppel is aan 'die boom' nie, en dan sou ek skat 'n klein minderheid van hulle het nie een voorouer nie. Maar 'n los profiel gekoppel aan die boom sou dan 'n stamvader wees wat ook tegnies nie reg is nie.

Die rede vir tentatiewe koppelinge is om die akkuraatheid van die boom te bevestig, of nie, veral in die lig van ontdekkings soos die verskillende DNA toetse ens. Los(serige) profiele sal nie werk in daardie omstandighede nie, want soos jy se, daar is niks om hulle 'boontoe' te verbind nie. Die enkele 'vae aanname' kan sodoende meer akkuraat bewys word al dan nie, en sou dit foutief wees, kan dit maklik reggestel word.

Ons poel is klein genoeg om daardie berekende kanse te neem - veral in die 1800s waar inligting skraps is, soos hier.

'n Ander vername rede is om toekomstige foutiewe samesmeltings, en die werk wat gepaard gaan om dit reg te stel, te verhoed, en eerder te fokus op aanvullings wat nie in duplikaat is nie.

Maar ek sal weer 'n los Pieter skep, dan kyk ons...

Jan, Louis is correct - do not add speculative or known to be wrong profiles just to get a connection or to prevent them floating free.
If you're worried about losing them, put a link to the floating profile into the Overview that says these are the speculative parents.
If there' s reason to be that worried about wrong merges you can get a Curator to add a note to both profiles, or add a note to profiles named 'Unknown mother of ... Unknown father of...' profiles.

OK, I concur :) Was perhaps in a very 'floating' mode when waking up this morning and only recovered 7:36.

Hi almal.
Ek dink ons moet ook na sterfkennisse soek om die probleem op te los. Ons praat in sirkels en netnou is daar weer misverstande en onenigheid, wat so onnodig is.
Iewers op my rekenaar - die oue- was daar 'n volleige Gouws gebronde register, maar ongelukkig het die weerlig hom mos verlede jaar geklits.
Alles is hier op maar ek weet nog nie waar nie.

Sodra ek kry sal ek opsit.

Groete en mooi loop.

Judi

Pieter van 1753 is in 1800 geskei van beck en toe getruod met vosloo